الإسكندرية – أ.ق.ت – فادى لبيب : " مصر لن تتقدم إلا بتحطيم فجوة الدولار " .. هذا هى عنوان كلمة الرئيس عبد الفتاح السيسى، خلال المؤتمر الوطني للشباب بالإسكندرية ، حث احتل موضوعى " سعر الصرف والدولار " فى تصريحات الرئيس، حيث قال : " كثيرًا من الناس يطالبون بمرونة سعر الصرف ونحن مرنون فيه، لكن عندما يتعلق الموضوع بالأمن القومي وأن ذلك سيضيع الشعب المصري فلا " ...
واستطرد الرئيس "السيسي" قائلاً : "نحن مرنون فيه... لكن عندما يتعرض الموضوع لأمن مصر القومي، وإن الشعب المصري يضيع.. لا، لا، لا، لا".. " هذ الموضوع أنا أقوله على الهواء عندما يكون تأثير سعر الصرف على حياة المصريين وممكن يضيعهم، لا ما نقعدش في مكانا، لا ما نقدرش" .
وتابع الرئيس:
"حتى لو الكلام ده يتعارض مع .. حتى لو الكلام ده يتعارض مع.." في إشارة
ضمنية لـ " صندوق النقد الدولي ".
وأضاف الرئيس عبد
الفتاح السيسى : " كنت وصلت إن الدعم يصل صفر على المشتقات البترولية، اللي
حصل إني رجعت تاني بسبب ارتفاع سعر الصرف، وأنت بتقرب لسعر الصرف انتبه ليدخلك في
أزمة في وخيالك، كثير من الخدمات اللي بنقدمها بتتسعر بالجنيه على قيمة الدولار
اللي جبته، في موضوع اللحوم والدواجن والأعلاف، لو أنا منتج في سلعة زي الدواجن
على سبيل المثال لو بجيب العلف من داخل مصر مش هبقى متأثر كتير بسعر الدولار، طيب
طن العلف هسعره على أيه؟".
وقال الرئيس : "
لكل اللي بيسمعني إذا ماكناش هنشتغل علشان نقلل فجوة الدولار .. طيب عملنا أيه
السنين اللي فاتت؟ كنا بنفتح مزيدا من الأسواق كنا بنشتري الدولار من الأسواق
علشان نحافظ على الدولار اللي موجود في البنك المركزي، كنا بنجيب من الأسواق ونزود
حجم الدين علينا.. احنا خلاص مابقناش نعمل كدة تاني، إذا لازم نواجه ده ونقلل
فاتورة استيرادنا بالدولار ونزود صادراتنا، وأنا بقول هناك قائمة بـ 150 منتجا
هتوفر نحو 30 مليار دولار احنا بندفعهم بالفعل دلوقتي".
وقال الرئيس عبد
الفتاح السيسى : " لو ماقدرناش كحكومة ورجال أعمال، لما تعرف إن فيه حد بيجيب
منتجات بسيطة جدا جدا من الخارج.. أنا مابعرفش أضحك على حد وماعرفش ماكونش أمين
وصادق.. الدولة دي مش هتطلع لقدام إلا بتحطيم الفجوة بتاعت الدولار ".
ليست هناك تعليقات:
إرسال تعليق